“DOST 2023: çevik, innovativ və davamlı xidmətlərin göstərilməsi üçün vahid platforma” adlı beynəlxalq konfrans

Dayanıqlı və Operativ Sosial Təminat (DOST) Agentliyinin təşəbbüsü ilə Ümummilli Lider Heydər Əliyevin anadan olmasının 100 illiyi, habelə DOST Agentliyinin yaradılmasının 5 illiyi münasibətilə Azərbaycanda ilk dəfə sosial xidmətlər sahəsində “DOST 2023: çevik, innovativ və davamlı xidmətlərin göstərilməsi üçün vahid platforma” adlı beynəlxalq konfrans keçirilmişdir. Vahid platforma üzrə mövcud təcrübələrin bir araya gətirilməsi, trendlərin müəyyən edilməsi, DOST konsepsiyası tanınma səviyyəsinin daha da artırılması, DOST xidmətləri barədə beynəlxalq ictimaiyyətin daha geniş məlumatlandırılması və s. tədbirin əsas məqsədi idi. Tədbirin təşkilində “Könüllü DOST” proqramının könüllüləri aktiv iştirak etmişdir.